Avviżi tal-Parroċċa

bejn id-19 u s-26 ta' April 2026

1. L-ERBGĦA (22) Se ssir laqgħa għat-Terzjarji u d-devoti tal-Madonna tal-Karmnu fil-Kappella ta’ Sant’Anton Abbati, li tibda fid-9am bil-Quddiesa.

2. IL-ĦAMIS (23) Fis-7.30pm se ssir Quddiesa tal-festa ta’ San Ġorġ, fil-kappella ddedikata lilu fil-Wardija. Kulħadd mistieden jieħu sehem. Se jiġi organizzat trasport li jitlaq mill-pjazza fis-6.45pm, bookings fl-uffiċċju parrokkjali.

3. Il-Ġimgħa l-1 ta’ Mejju, matul n-nofs ta’ nhar ta’ filgħodu, ser jiġi organizzat Seminar għall-Operaturi Pastorali tal-Parroċċa, fid-Dar Ħanin Sammaritan, bis-suġġett Il-Papa Ljun XIV u l-Ispiritwalita Agostinjana, l-kelliema mistiedna ser ikunu Patri Leslie Gatt u Patri Lucjan Borg Agostinjani. Aktar dettalji jinsabu fil-flyers li hemm ħdejn il-bieb ta’ barra.

4. Għad fadal l-aħħar ftit postijiet għall-pellegrinaġġi li l-Parroċċa ser torganizza għal Lourdes u l-Polonja. Min jixtieq aktar dettalji jista jkellimna fl-uffiċċju parrokjali.

5. Ħarġet publikazzjoni oħra ta’ Il-Mosta, min jixtieq jakkwista kopja jista jagħmel dan minn ħdejn il-bieb prinċipali, jew mill-Uffiċċju parrokkjali għal €4.

6. Għal sena oħra bħala parroċċa ser norganizzaw is-Summer Club għat-tfal, fl-Oratorju Qalb ta' Ġesu', kull nhar ta' Tnejn u Ħamis. Id-dettalji kollha jinsabu fil-consent forms li jistgħu jinġabru minn ħdejn il-bieb tal-Bażilika. Postijiet limitati, għalhekk min jixtieq jattendi għandu jġib il-consent form mimlija l-Uffiċċju Parrokkjali fejn tingħata irċevuta għal kull donazzjoni.

7. Nitolbu għal Marija Sciberras, Joseph Galea u Louis Fabri li għaddew għal ħajja ta’ dejjem. Agħtihom o Mulej.....