Avviżi u Aħbarijiet

AVVIZI U AĦBARIJIET

SCROLL BIEX TAQRA AKTAR

Avviżi tal-Parroċċa għal matul din il-Ġimgħa

Avviżi tal-Parroċċa bejn it-23 u t-30 ta' Marzu 2025.

  1. IL-ĦADD (23) Fl-Oratorju Marija Immakulata se jiġu organizzati spazji ta’ Talb mid-9am sal-5pm. Din hija opportunità spiritwali għal kulħadd fejn wieħed jista' jiltaqa' ma' Ġesù u jirrifletti fuq ħajtu.
  1. IL-ĦADD (23) Se tkompli l-kitba taż-żimarri tal-Purċissjoni tal-Ġimgħa l-Kbira u Kristu Rxoxt bejn d-9am u nofsinhar.
  1. IT-TNEJN (24) Se jibdew żewġ korsijiet ta’ Ezercizzi għal kulħadd, fid-9am fil-Bażilika u wara l-Quddiesa tas-6.30pm fil-Kappella fil-Kappella Ġesù Feddej, Santa Margerita, mid-Djaknu, Rev. Matthew Sammut.
  1. IT-TNEJN (24) Fid-9.30am, fuq iz-zuntier tal-Bażilika se ssir ċelebrazzjoni li matulha studenti mill-Kulleġġ Marija Reġina ser jirċievu t-torċa tal-Malta school games mingħand studenti tal-Kulleġġ San Nikola.
  1. IT-TLIETA (25) Se ssir laqgħa tas-Support Grupp għal Persuni Morda fl-Oratorju Qalb ta' Ġesù fil-5:00pm. Inħeġġu lil persuni li għaddejjin minn mard serju jingħaqdu ma dan is-support group.
  1. IL-ĦAMIS (27) Se ssir laqgħa oħra tas-support group tas-separati fil-kappella ta’ San Anard fid-7pm.
  1. IL-ĠIMGĦA (28) Festa tar-Redentur. Fil-Bażilika jibda l-qrar mill- Fis-6:30pm Quddiesa bil-kant u bl-omelija u wara joħroġ il-pellegrinaġġ bix-xbieha ta’ Ġesù Redentur li matulu tintalab it-talb tal-Via Sagra. Il-pellegrinaġġ se jgħaddi mit-toroq: Pjazza Rotunda, Bażilika, Oratorju, Torri, Ponsomby, Gużeppi Callus, Xorxa, Torri, Grognet, San Ġwann, Kbira, Pjazza Rotunda.
  1. IL-ĦADD (30) Se tiġi organizzata Mosta Open Weekend. Fil-Bażilika fis-2pm se ssir Preżentazzjoni teatrali “Diary of War The Miracle of Mosta”, u wara se jsiru tours tal-Bażilika u s-Shelter tat-Tieni Gwerra Dinjija minn gwidi lokali. Is-Sede tas-soċjetajiet Mostin kif ukoll l-postijiet ta’ interess fil-Mosta se jkunu miftuħin biex permezz ta’ trasport apposta jew bil-mixi wieħed ikun jista jżur. Aktar dettalji minn fuq il-flyers li hemm ħdejn il-bieb prinċipali.
  1. IL-ĦADD (30) Fil-5pm, fil-Bażilika ssir iċ-Ċelebrazzjoni tal-Magħmudija.
  1. Qed nistiednu kantanti u koristi biex jingħaqdu mal-Kor Santa Ċeċilja, ħalli jippreparaw għaċ-ċelebrazzjonijiet liturġiċi tat-Tridu Paskwali. L-Ewwel rehearsel se ssir nhar it-Tlieta (25) fl-Oratorju Qalb ta’ Ġesù fis-6:00 pm.
  1. Il-Mosta Drama Group ser itellgħu Dramm tal-Passjoni, fis-Sala tal-Oratorju Qalb ta’ Ġesu, is-Sibt 5 u l-Ħadd 6 ta’ April. Il-Booking huwa miftuħ. Aktar dettalji fuq n-noticeboard.
  1. Nitolbu għal Sr Veturia Theuma, Vincent Zammit u Anton Cuschieri li għaddew għal ħajja ta’ dejjem. Agħtihom o Mulej, il-mistrieħ ta’ dejjem .....