Avviżi u Aħbarijiet

AVVIZI U AĦBARIJIET

SCROLL BIEX TAQRA AKTAR

Avviżi tal-Parroċċa għal matul din il-Ġimgħa

Avviżi tal-Parroċċa bejn t-18  u l-25 ta' Mejju 2025.

  1. IT-TNEJN (19) se ssir taħdita spiritwali, fil-Kor tal-Bażilika, fis-7pm minn Rev Profs Paul Sciberras, bis-suġġett: It-Tlugħ fis-sema u l-Inkurunazzjoni tal-Madonna. Tajjeb li lkoll nieħdu sehem.
  1. IT-TNEJN (19) Se ssir laqgħa oħra dwar il-virtù tat-tama permezz tal-Kelma t'Alla, fil-Museum tas-subien, fis-7:00pm. Kulħadd mistieden jattendi.
  1. L-ERBGĦA (21) fis-6:00p.m., fil-Bażilika se jintalab Rużarju meditat mill-membri tal-Grupp Armar Marija Assunta bi ħsibijiet tal-Qaddis, Papa Ġwanni Pawlu II.
  1. IL-ĦAMIS (22) Se tiġi ċċelebrata l-festa ta’ Santa Rita. Fil-kappella ta’ San Silvestru u fil-Kappella tas-Sorijiet Agostinjani, fis-6p.m. jingħad ir-Rużarju u wara jkun hemm Quddiesa bil-kant u bil-prietka.
  1. IS-SIBT (24) Se tiġi organizzata Car Wash fuq wara tal-Bażilika, ħdejn il-Bandli biex jinġabru fondi b’risq il-missjoni fl-Albanija.
  1. IL-ĦADD (25) Is-Saċerdot Novell Dun Matthew Sammut ser imexxi Quddiesa ta’ Radd il-ħajr lil Alla għad-don tas-Saċerdozju, fil-Bażilika fil-5.30pm. Filwaqt li nawgurawlu u nitolbu għalih, lkoll mistiedna nieħdu sehem.
  1. Membri tal-Legjun ta’ Marija se jżuru xi familji fil-Parroċċa.  Dawn iż-żjarat se jsiru mis-26 sat-30 ta’ Mejju bejn il-5.00 u s-7.00 ta’ filgħaxija.  Fejn il-bieb prinċipali tal-Bażilika hemm banners b’informazzjoni dwar il-Leġjun ta’ Marija kif ukoll flyers b’informazzjoni dwar laqgħat tal-Legjun ta’ Marija li jsiru fil-Mosta.
  1. Nitolbu għal Clayton Bezzina, Saviouir Bonnici u Charles Vella li għaddew għall-ħajja ta’ dejjem. Agħtihom o Mulej, il-mistrieħ.....