Ritratti tal-presepju tal-Grupp tal-Armar, armat fil-maħżen tal-pjazza
PROGRAMM
L-Erbgħa, il-15 ta’ Diċembru:
BIDU TAN-NOVENA TAL-MILIED:
7.45a.m. Quddiesa fil-Knisja Arċipretali bil-kant u b’talb addattat għat-tfal.
6.00p.m. Rużarju
6.30p.m. Quddiesa bil-kant u bil-priedka minn Fr Michael Bugeja. Wara l-Omelija se ssir il-Vestizzjoni tal- Abbatini l-ġodda li jaqdu fil-Knisja Arċipretali. Ċelebrazzjoni Ewkaristika quddiem Ġesù espost li tagħlaq bil-Barka Sagramentali. Fil-jiem kollha tan-Novena jitkompla l-programm, bil-quddiesa ta’ filgħaxija bil-priedka u bil-kant minn diversi korijiet tal-parroċċa.
Il-Ħadd, l-19 ta’ Diċembru:
IR-RABA ĦADD TA’ L-AVVENT
11.00a.m. Quddiesa bis-sehem tal-Banda Santa Marija flimkien mal-Kor Santa Margerita.
It-Tlieta, l-21 ta’ Diċembru:
6:00p.m. Attivita għall-persuni b’diżabilta tal-Parroċċa, fiċ-Ċentru ta’ Sant’ Andrija, li tibda bil-quddiesa.
L-Erbgħa, it-22 u l-Ħamis, it-23 ta’ Diċembru
IS-SAGRAMENT TAR-RIKONĊILJAZZJONI
Qrar minn konfessur minn barra l-parroċċa fil-Knisja Arċipretali bejn it-8.30a.m. u l-11.00a.m. u mil-4.30p.m. sas-6.00p.m.
Il-Ġimgħa, l-24 ta’ Diċembru:
LEJLIET IL-MILIED
5.00p.m. Quddiesa
6.00p.m. Purċissjoni tradizzjonali tal-Bambin li toħroġ mill-Qasam tal-MUSEUM tas-Subien u tgħaddi minn dawn it-toroq: Papa Gwanni XXIII, Nicolo Isouard, Speranza, Ġnejna, Mitħna l-Qadima, Torri, Ċejlu Tonna, Gafa, u l-Kungress Ewkaristiku għall-Knisja Arċipretali.
6.30p.m. Quddiesa tal-Vġili tal-Milied.
IL-LEJL TAL-MILIED
10.45p.m. Għanjiet tal-Milied mill-Kor Shalom u l-Kor Santa Ċeċilja.
11.00p.m. Ċelebrazzjoni għal-lejl tal-Milied, bis-sehem tal-Kor Shalom u l-Kor Santa Ċeċilja. Priedka tradizzjonali tat-tifel minn Gustav Micallef.
12.00a.m. Konċelebrazzjoni Solenni mill-Arċipriet Dun Mario Tong flimkien mal-kleru tal-parroċċa.
Is-Sibt, il-25 ta’ Diċembru:
JUM IL-MILIED
Ħin tal-Quddies: 6am, 7am, 8am, 9am, 10am u 11am
Wara l-quddiesa tat-8am. il-Ministri Straordinarji tat-Tqarbin jqarbnu lill-morda u lill-irtirati fi djarhom.
5.30p.m. Konċelebrazzjoni tal-Milied.
Il-Ħadd, is-26 ta’ Diċembru:
FESTA TAL-FAMILJA IMQADDSA
11:00a.m. Quddiesa bis-sehem tal-Kummissjoni Familja, għall-familji Mostin. Mistiedna b’mod speċjali l-koppji li żżewġu fl-2010.
It-Tlieta, it-28 ta’ Diċembru :
9.30a.m. Laqgħa għall-anzjani tal-parroċċa, fis-Sala Papa Wojtyla ta’ l-Oratorju Marija Immakulata. Nibdew b’quddiesa li fiha ssir il-priedka tat-tifel u wara jsir festin flimkien.
KWARANTURI
40 siegħa ta’ Adorazzjoni quddiem
Ġesù Sagramentat espost fil-Knisja Arċipretali
It-Tlieta t-28, l-Erbgħa d-29 u l-Ħamis 30 ta’ Diċembru:
8.30a.m. Quddiesa u wara tibda l-adorazzjoni mmexxija mill-membri tal-għaqdiet li jmexxu t-talb kull siegħa.
6.00p.m. Rużarju.
6.30p.m. Quddiesa.
Il-Ġimgħa, il-31 ta’ Diċembru:
8.30a.m. Quddiesa u wara tibda l-adorazzjoni fil-knisja mmexxija mill-membri tal-għaqdiet li jmexxu t-talb kull siegħa.
5.00p.m. Quddiesa
6.00p.m. Rużarju
6.30p.m. Quddiesa konċelebrata mill-Arċipriet Dun Mario Tong b’radd ta’ ħajr lil Alla għall-grazzji kollha li rċevejna matul is-sena 2010.
Waqt l-offertorju jinġabru offerti għall-karita’. Wara t-tqarbin, issir purċissjoni b’Ġesù Ewkarisitja madwar il-knisja, jitkanta it-Te Deum u tingħata l-Barka Sagramentali.
11.30p.m. Rużarju quddiem Ġesù Espost
12.00a.m. Quddiesa.
Is–Sibt, l-1 ta’ Jannar 2010
FESTA TA’ MARIJA OMM ALLA
Ħin tal-Quddies: 6am, 7am, 8am, 9am, 10am u 11am
Wara l-quddiesa tat-8am. il-Ministri Straordinarji tat-Tqarbin jqarbnu lill-morda u lill-irtirati fi djarhom.
5.30p.m. Quddiesa konċelebrata bis-sehem tal-Kor Santa Ċeċilja. Wara l-quddiesa tingħata l-Barka Sagramentali u jintkanta l-Veni Creator.
L-Arċipriet u l-kleru flimkien
mal-Kunsill Pastorali Parrokkjali
jawguraw Milied hieni u
sena ġdida ta’ paċi
lill-membri kollha tal-komunita’
parrokkjali tal-Mosta